Дарс сонгох нь

Улаан болон Цагаан дарсыг юугаар даруулж уувал зохимжтой вэ?

1 June, 2024 by

bookkeeper,

| No comments yet

1. Хуурай цагаан дарсны даруулга

Хуурай цагаан дарсны төрөлд совиньон блан, грюн вельтлинер, пино грижио зэрэг багтана. Ерөнхийдөө дарсны тайлбар дээр тухайн дарсны төрлийг заавал бичсэн байдаг.
Цагаан хуурай дарсанд загас болон хүнсний ногооноос гадна амттан тохирно. Хэрвээ исгэлэн амттай байвал тослог загас сонгох нь зүйтэй. Хоол өөрийн гэсэн хурц амт, үнэртэй бол дарс ч гэсэн онцгой амттай байх ёстой. Энэ бол бүх дарсанд баримтлах зарчим юм.

Цагаан дарсыг махтай идэх нь тохиромжгүй бөгөөд ховор тохиолдолд цагаан махны хамтаар хэрэглэж болно. алкохол /Алкохол 13% -с дээш байна./

Дарс худалдаж авах

2. Цагаан чихэрлэг дарсны даруулга

Ихэнхдээ цагаан чихэрлэг дарсны төрөлд самар, рислинг, мальвазия зэрэг багтах бөгөөд бяслагтай хослуулах нь хамгийн тохиромжтой ч бяслагийн сонголт ховор байдаг учир гурилан бүтээгдэхүүн, өөх багатай хиам, бүх төрлийн амттан, жигнэмэг, зайрмаг жимстэй хэрэглэж болно. Алкохол / 12% доош байна./

Дарс худалдаж авах

3. Улаан хуурай дарсны даруулга

Улаан дарс нь бүр төрлийн махтай зохицох бөгөөд хуурай улаан дарсыг хурц, халуун ногоотой хоолтой идэхэд тохиромжтой. Жишээлбэл: шпагетти, паста болон пицца гэх мэт. Үүнээс гадна хиам болон шарсан бүх төрлийн хоолыг идсэн ч болно. Харин жимсний хувьд болгоомжтой хандах хэрэгтэй. Хэрвээ дарс нь илүү хатуу амттай бол хатуу мах, харин зөөлөн амттай бол зөөлөн мах сонгох нь зүйтэй. алкохол/ 12,5% дээш байна./.

Дарс худалдаж авах

4. Хагас хуурай болон хагас чихэрлэг дарсны даруулга

Энэ төрлийн дарс нь илүү тархмал байдаг учир даруулгын сонголт ч их байдаг. Жишээлбэл: туулай, тахиа, галууны мах идэх боломжтойгоос гадна тос багатай загас, халуун ногоотой сам хорхой тохирно. Үүнээс гадна хиам идсэн ч болно. алкохол/12%-12.5% байна/

Дарс худалдаж авах

5. Улаан чихэрлэг дарсны даруулга

Чихэрлэг дарсны даруулгыг сонгоход бага зэрэг ярвигтай байдаг. Гэхдээ улаан загас, туна загас нь улаан дарстай төгс зохицдог. Үүнээс гадна хатаасан мах хэрэглэж болно. Самар, жимс болон бусад төрлийн бүх амттан чихэрлэг дарсанд гайхалтай тохирно. Хамгийн гол нь хэт их чихэрлэг хүнс сонгохгүй байх нь зүгээр. алкохол/12% доош байна/

Дарс худалдаж авах